Frístandandi glerskálar – Supra & Supra Pro

Supra og Supra Pro eru glæsilegir, frístandandi glerskálar. Þeir bjóða upp á hagnýtt og fallegt rými hvort sem er til ræktunar eða notalegrar samveru.

Hönnunin er létt og einföld.

Skálarnir henta sérstaklega vel í fallega garða eða sem viðbótarrými við sumarhús. Einnig eru fyrirtæki að taka stóru húsin sérstaklega styrkt fyrir íslenskt veðurfar.

Helstu eiginleikar:

• Öflug hönnun: Sterkbyggt álburðarvirki klætt með 4 mm hertu öryggisgleri.
• Sérsniðið þak: Veldu á milli þaks úr hertu, hamruðu gleri eða pólýkarbónati (polycarbonate) eftir þörfum.
• Öryggi og gæði: 15 ára framleiðendaábyrgð gildir um álburðarvirkið.
• Hurðar & aðgengi: Rennihurðir er hægt að staðsetja annað hvort á framhlið eða á styttri hlið. Einnig er hægt að fá einfaldar eða tvöfaldar vængjahurðir í stað rennihurða.
• Góð loftræsting: Opnanlegir þakgluggar fylgja til að tryggja góða loftun, og einnig er hægt að bæta við hliðargluggum.
• Uppsetning: Hannað til að festa ofan á grunnfestingu frá LAMS. Hægt að festa grunnfestingu við hvaða efni sem er.
• Aukahlutir: Möguleiki á að bæta við sjálfvirkum gluggaopnurum, hillum, vinnuborðum og sóltjöldum (skyggingum).

Litaúrval og áferð Glerskálarnir frá LAMS eru framleiddir í þeim lit sem tónar best við þitt umhverfi. Hægt er að velja um 14 staðlaða liti í mattri eða satín áferð, en einnig er boðið upp á sérpantanir í öðrum RAL-litum. Litapallettan er sérstaklega samansett til að falla að umhverfinu og náttúrunni, hvort sem skálinn er hugsaður fyrir heimili, hótel eða veitingastaði.

Fyrir verkefni þar sem óskað er eftir nákvæmum lit er einnig hægt að panta húsið í sérlit samkvæmt RAL litakerfinu.

– 14 staðallitir
– Matt eða satín áferð
– RAL sérlitir í boði samkvæmt pöntun

Verðforsendur og innifalið í grunnverði

• Gler og hurðir: Grunnverð miðast við eina rennihurð og 4 mm hert öryggisgler í bæði veggjum og þaki. Fjöldi opnanlegra glugga fer eftir stærð hússins (sjá nánar í verðtöflu).
• Litaúrval: Val um 14 staðlaða liti er að fullu innifalið í verðinu.

Athugið: Við hvetjum viðskiptavini til að kynna sér vel skilmála okkar varðandi sölu, uppsetningu og afhendingu á gróðurhúsum hér á heimasíðunni.

Aukastyrking fyrir íslenskar aðstæður (Innifalið)

Til að mæta kröfuhörðu íslensku veðurfari er sérstök aukastyrking innifalin í grunnverði allra glerskála frá Lams. Styrkingin felst í því að sérstakir festilistar eru skrúfaðir ofan á gúmmíþéttingar í álrammanum, allan hringinn umhverfis glerið (á alla fjóra vegu). Við þetta pressast gúmmíið mun þéttar að glerinu og skapar óhagganlega festingu sem eykur til muna mótstöðu hússins gegn miklum vindi, rigningu og snjóþunga.

• Ertu með mjög skjólsælan garð? Ef ætlunin er að reisa glerskálann á sérstaklega skjólgóðum stað er hægt að afþakka aukastyrkinguna við pöntun. Við það lækkar verð hússins um 20%.

Supra og Supra Pro eru bæði glæsileg og vönduð gróðurhús úr ryðfríu áli með hertu gleri. Helsti munurinn liggur í stærð, hlutföllum og notkunarmöguleikum.

Supra
Hefðbundna útgáfan sem hentar vel fyrir flest heimili og garða. Húsið er í góðum hlutföllum og fellur vel að umhverfi sínu.
Útveggir eru um 2,00 m á hæð (eftir útfærslum), og hægt er að velja úr mismunandi stærðum og lausnum eftir þörfum, sjá verðtöflur.

Supra Pro
Stærri og tilkomumeiri útgáfa, hugsuð fyrir þá sem vilja mikið rými og meiri lofthæð — hvort sem markmiðið er umfangsmeiri ræktun eða rúmgóð og vönduð garðstofa.

Helstu atriði Supra Pro:
– Stærðir: frá um 21 m² upp í yfir 70 m²
– Breiddir: 4,60 m · 5,30 m · 6,04 m
– Hæð: útveggir um 2,60 m og mænishæð allt að um 3,85 m
– Rými: meiri lofthæð og opnara rými sem eykur notagildi og yfirbragð

Í stuttu máli: Supra er yfirvegað og fjölhæft gróðurhús fyrir daglega notkun, en Supra Pro er hærra og stærra og gefur meira rými fyrir stærri plöntur og metnaðarfyllri verkefni.

Kíktu í heimsókn eða bókaðu fund með sölumanni

Supra vörulínan er hönnuð og framleidd í Frakklandi. Hægt er að velja úr fjölmörgum stærðum, litum og hurðar- og gluggalausnum, hvort sem um er að ræða rými fyrir heimili, veitingastað eða sveitarfélag sem vill bjóða upp á sérstöku upplifun allt árið.

Listhús Arc er opinber söluaðili LAMS á Íslandi.
Hafðu samband og við finnum rétta lausn fyrir þitt verkefni.