Vegghengdir glerskálar (Lean-to) – Luxia & Luxia Retro

Luxia og Luxia Retro eru glæsilegir, vegghengdir glerskálar úr léttu en sterku álburðarvirki með einföldu, einhalla þaki. Þeir mæta húsveggnum á fallegan hátt og skapa bjart, notadrjúgt rými sem hentar fullkomlega til ræktunar, sem viðbótar setustofa eða notalegt tengirými við heimilið.

Hönnunin er stílhrein og yfirveguð. Skálarnir sóma sér vel á veröndum, upp við garðveggi eða sem glæsileg viðbygging við sumarhús og íbúðarhús – tilvalin lausn þegar óskað er eftir björtu og fjölhæfu rými sem rennur eðlilega saman við umhverfið.

Munurinn á milli Luxia og Luxia Retro er að Retro útgáfan skartar klassískari smáatriðum og þakformi sem ljær húsinu hefðbundnara og rómantískara yfirbragð.

Helstu eiginleikar:

• Öflug hönnun: Sterkbyggt álburðarvirki klætt með 4 mm hertu öryggisgleri.
• Sérsniðið þak: Veldu á milli þaks úr hertu, hamruðu gleri eða pólýkarbónati (polycarbonate) eftir þörfum.
• Öryggi og gæði: 15 ára framleiðendaábyrgð gildir um álburðarvirkið.
• Hurðar & aðgengi: Rennihurðir er hægt að staðsetja annað hvort á framhlið eða á styttri hlið. Einnig er hægt að fá einfaldar eða tvöfaldar vængjahurðir í stað rennihurða.
• Góð loftræsting: Opnanlegir þakgluggar fylgja til að tryggja góða loftun, og einnig er hægt að bæta við hliðargluggum.
• Uppsetning: Hannað til að festa ofan á grunnfestingu frá LAMS. Hægt að festa grunnfestingu við hvaða efni sem er.
• Aukahlutir: Möguleiki á að bæta við sjálfvirkum gluggaopnurum, hillum, vinnuborðum og sóltjöldum (skyggingum).

Litaúrval og áferð Glerskálarnir frá LAMS eru framleiddir í þeim lit sem tónar best við þitt umhverfi. Hægt er að velja um 14 staðlaða liti í mattri eða satín áferð, en einnig er boðið upp á sérpantanir í öðrum RAL-litum. Litapallettan er sérstaklega samansett til að falla óaðfinnanlega að náttúrunni, hvort sem skálinn er hugsaður fyrir einkaheimili, hótel eða veitingastaði.

Fyrir verkefni þar sem óskað er eftir nákvæmum lit er einnig hægt að panta húsið í sérlit samkvæmt RAL litakerfinu.

– 14 staðallitir
– Matt eða satín áferð
– RAL sérlitir í boði samkvæmt pöntun

Verðforsendur og innifalið í grunnverði

• Gler og hurðir: Grunnverð miðast við eina rennihurð og 4 mm hert öryggisgler í bæði veggjum og þaki. Fjöldi opnanlegra glugga fer eftir stærð hússins (sjá nánar í verðtöflu).
• Litaúrval: Val um 14 staðlaða liti er að fullu innifalið í verðinu.

Athugið: Við hvetjum viðskiptavini til að kynna sér vel skilmála okkar varðandi sölu, uppsetningu og afhendingu á gróðurhúsum hér á heimasíðunni.

Aukastyrking fyrir íslenskar aðstæður (Innifalið)

Til að mæta kröfuhörðu íslensku veðurfari er sérstök aukastyrking innifalin í grunnverði allra glerskála frá Lams. Styrkingin felst í því að sérstakir festilistar eru skrúfaðir ofan á gúmmíþéttingar í álrammanum, allan hringinn umhverfis glerið (á alla fjóra vegu). Við þetta pressast gúmmíið mun þéttar að glerinu og skapar óhagganlega festingu sem eykur til muna mótstöðu hússins gegn miklum vindi, rigningu og snjóþunga.

• Ertu með mjög skjólsælan garð? Ef ætlunin er að reisa glerskálann á sérstaklega skjólgóðum stað er hægt að afþakka aukastyrkinguna við pöntun. Við það lækkar verð hússins um 20%.

Kíktu í heimsókn eða bókaðu fund með sölumanni

Luxia vörulínan frá LAMS er hönnuð og framleidd í Frakklandi. Hægt er að velja úr fjölbreyttum stærðum, litum og hurða- og gluggalausnum, hvort sem um er að ræða rými fyrir heimili, veitingastaði eða sveitarfélög sem vilja bjóða upp á sérstaka upplifun allt árið.

Listhús Arc er opinber söluaðili LAMS á Íslandi.
Hafðu samband og við finnum lausn sem hentar þínu verkefni.